ஐ.பி.எல்.2025: சென்னை சூப்பர் கிங்ஸ் அணியின் பிளேயிங் லெவனை கணித்த இந்திய முன்னாள் வீரர்

மும்பை,

இந்தியாவில் நடைபெறும் உள்ளூர் டி20 தொடரான ஐ.பி.எல்.-ன் 18-வது சீசன் வருகிற 22ம் தேதி தொடங்குகிறது. இதில் சென்னை சூப்பர் கிங்ஸ், மும்பை இந்தியன்ஸ், ராயல் சேலஞ்சர்ஸ் பெங்களூரு, கொல்கத்தா நைட் ரைட்சர்ஸ், சன்ரைசர்ஸ் ஐதராபாத், ராஜஸ்தான் ராயல்ஸ், பஞ்சாப் கிங்ஸ், டெல்லி கேப்பிடல்ஸ், குஜராத் டைட்டன்ஸ் மற்றும் லக்னோ சூப்பர் ஜெயன்ட்ஸ் ஆகிய 10 அணிகள் கலந்து கொள்கின்றன.

இதில் கொல்கத்தாவில் நடைபெறும் முதல் லீக் ஆட்டத்தில் நடப்பு சாம்பியன் கொல்கத்தா நைட் ரைடர்ஸ் அணி, பெங்களூரு ராயல் சேலஞ்சர்சை எதிர்கொள்கிறது. இதில் முன்னாள் சாம்பியனான சென்னை சூப்பர் கிங்ஸ் அணி தனது முதல் ஆட்டத்தில் மும்பை இந்தியன்சை எதிர்கொள்கிறது.

இந்த தொடர் குறித்தும், ஐ.பி.எல். அணிகள் குறித்தும் பல முன்னாள் வீரர்கள் தங்களது கணிப்பினை வெளியிட்டு வருகின்றனர். அந்த வரிசையில் இந்திய முன்னாள் வீரரான ராயுடு சென்னை சூப்பர் கிங்ஸ் அணியின் பிளேயிங் லெவனை கணித்துள்ளார்.

அதன் விவரம் பின்வருமாறு:-

ருதுராஜ் கெய்க்வாட் (கேப்டன்), டேவான் கான்வே, ரச்சின் ரவீந்திரா, தீபக் ஹூடா அல்லது ராகுல் திரிப்பாட்டி அல்லது விஜய் சங்கர், ஷிவம் துபே, ரவீந்திர ஜடேஜா, மகேந்திரசிங் தோனி, ரவிச்சந்திரன் அஸ்வின், சாம் கரண், பதிரனா, அன்ஷுல் கம்போஜ்.