ஐ.எஸ்.எல். கால்பந்து: பஞ்சாப் அணியை வீழ்த்தி நார்த் ஈஸ்ட் யுனைடெட் வெற்றி

புதுடெல்லி,

13 அணிகள் பங்கேற்றுள்ள 11-வது இந்தியன் சூப்பர் லீக் (ஐ.எஸ்.எல்.) கால்பந்து போட்டி பல்வேறு நகரங்களில் நடந்து வருகிறது. 11 நாட்கள் ஓய்வுக்கு பிறகு மீண்டும் இந்த போட்டித் தொடர் இன்று தொடங்கியது . இதில் டெல்லி நேரு ஸ்டேடியத்தில் இன்று மாலை 5.00 மணிக்கு நடைபெற்ற லீக் ஆட்டத்தில் பஞ்சாப் எப்.சி.- நார்த் ஈஸ்ட் யுனைடெட் அணிகள் மோதின.

பரபரப்பான இந்த ஆட்டத்தில் நார்த் ஈஸ்ட் யுனைடெட் தொடக்கம் முதல் சிறப்பாக விளையாடி ஆதிக்கம் செலுத்தியது . இதனால் ஆட்ட நேர முடிவில் 2-1 என்ற  கோல் கணக்கில் நார்த் ஈஸ்ட் யுனைடெட் அணி வெற்றி பெற்றது .

நார்த் ஈஸ்ட் அணியில் கிலர்மோ பெர்னாண்ட்ஸ் , நெஸ்டர் ஆகியோர் கோல் அடித்தனர். பஞ்சாப் அணியில் இவான் கோல் அடித்தார்.