ஐ.எஸ்.எல். கால்பந்து தொடர்: முகமதின் அணியை வீழ்த்திய ஐதராபாத் எப்.சி

ஐதராபாத், 

13 அணிகள் இடையிலான 11-வது இந்தியன் சூப்பர் லீக் (ஐ.எஸ்.எல்.) கால்பந்து போட்டி பல்வேறு நகரங்களில் நடந்து வருகிறது. இந்நிலையில், இந்த தொடரில் இன்று 2 லீக் ஆட்டம் நடைபெறுகிறது.

அதன்படி மாலை 5 மணிக்கு ஐதராபாத்தில் தொடங்கிய ஆட்டத்தில் ஐதராபாத் எப்.சி. - முகமதின் எஸ்.சி அணிகள் மோதின. தொடக்கம் முதலே விறுவிறுப்பாக நடைபெற்ற இந்த ஆட்டத்தின் முதல் பாதியில் ஐதராபாத் அணி 2 கோல்கள் அடித்து 2-0 என முன்னிலை பெற்றது.

தொடர்ந்து நடைபெற்ற 2வது பாதி ஆட்டத்தில் முகமதின் அணி ஆதிக்கம் செலுத்தியது. இதன் காரணமாக அந்த அணி 78-வது நிமிடத்தில் ஒரு கோல் அடித்தது. தொடர்ந்து இரு அணி வீரர்களும் கோல் அடிக்க தீவிர முயற்சி மேற்கொண்டனர்.

இதற்கு பலனாக ஆட்டம் முடியும் தருவாயில் ஐதராபாத் அணி மேலும் ஒரு கோல் அடித்து அசத்தியது. இறுதியில் இந்த ஆட்டத்தில் 3-1 என்ற கோல் கணக்கில் முகமதின் அணியை வீழ்த்தி ஐதராபாத் எப்.சி வெற்றி பெற்றது.

தொடர்ந்து கொல்கத்தாவில் இன்று நடைபெறும் 2வது ஆட்டத்தில் ஈஸ்ட் பெங்கால் எப்.சி. - சென்னையின் எப்.சி அணிகள் ஆட உள்ளன.