ஐ.எஸ்.எல். கால்பந்து; ஜாம்ஷெட்பூர் - நார்த்ஈஸ்ட் யுனைடெட் அணிகள் இன்று மோதல்

கவுகாத்தி,

13 அணிகள் இடையிலான 11-வது இந்தியன் சூப்பர் லீக் (ஐ.எஸ்.எல்.) கால்பந்து போட்டி இந்தியாவில் பல்வேறு நகரங்களில் நடந்து வருகிறது. இந்த தொடரில் இன்று 2 லீக் ஆட்டங்கள் நடைபெறுகின்றன. அதில் மாலை 5 மணிக்கு கவுகாத்தியில் நடைபெறும் லீக் ஆட்டத்தில் ஜாம்ஷெட்பூர் - நார்த்ஈஸ்ட் யுனைடெட் அணிகள் மோத உள்ளன.

தொடர்ந்து இரவு 7.30 மணிக்கு கொல்கத்தாவில் நடைபெறும் லீக் ஆட்டத்தில் முகமதின் எஸ்.சி - ஐதராபாத் அணிகள் மோத உள்ளன. இந்த தொடரில் இதுவரை நடந்துள்ள லீக் ஆட்டங்களின் முடிவில் புள்ளிப்பட்டியலில் ஜாம்ஷெட்பூர் அணி 2வது இடத்திலும், நார்த்ஈஸ்ட் யுனைடெட் 10வது இடத்திலும், முகமதின் எஸ்.சி அணி 11வது இடத்திலும், ஐதராபாத் அணி 12வது இடத்திலும் உள்ளன.