உலக செஸ் சாதனை படைத்த தமிழக வீரர்!

குகேஷுக்கு பிரதமர் மோடி, தமிழக முதல்வர் ஸ்டாலின், துணை முதல்வர் உதயநிதி ஸ்டாலின் உள்ளிட்டோர் வாழ்த்து தெரிவித்துள்ளனர். உலக செஸ் சாம்பியன்ஷிப் 2024 போட்டி சிங்கப்பூரில் நடந்துவந்தது. இந்த போட்டியின் இறுதிப்போட்டி நடந்தது. இதில் தமிழக வீரர் டி. குகேஷ் சீன கிராண்ட் மாஸ்டர் டிங் லின்னுடன் மோதினார். இறுதியில் தமிழக வீரர் குகேஷ் சாம்பியன் பட்டத்தை தட்டிச் சென்றார். இதன்மூலம் இளம் வயதில் செஸ் சாம்பியன் பட்டத்தை வென்ற இளம் வீரர் என்ற சாதனையை குகேஷ் படைத்தார். அதாவது 18 வயதில் உலக செஸ் சாம்பியன் பட்டத்தை வென்றுள்ளார். தமிழகவீரர் ஒருவர் உலக செஸ் சாம்பியன்ஷிப் போட்டியில் சாம்பியன் பட்டத்தை தட்டி சென்றதற்கு தலைவர்கள் பலரும் வாழ்த்துத் தெரிவித்து வருகிறார்கள். பிரதமர் மோடி, தமிழக முதல்வர் ஸ்டாலின், துணை முதல்வர் உதயநிதி ஸ்டாலின் ஆகியோர் வாழ்த்து தெரிவித்துள்ளனர். மேலும் போட்டிக்குச் செல்லும் மகனை சைகையிலும், பார்வையிலும் தைரியம் கொடுத்து அனுப்பும் குகேஷின் தந்தை வீடியோ உட்பட இணையம் முழுக்க குகேஷ் பேஷ் பேஷ் சொல்ல வைத்துக்கொண்டிருக்கிறார்.
உலக செஸ் சாம்பியின்ஷி இறுதிப்போட்டியில் வெற்றி பெற்ற தமிழகவீரர் குகேஷுக்கு பிரதமர் மோடி தனது எக்ஸ் தளத்தில் வாழ்த்து தெரிவித்துள்ளார்.

பிரதமர் மோடி வெளியிட்ட பதிவில்…

குகேஷ் வெற்றி வரலாற்றுக்கு முன்மாதிரியான வெற்றியாகும். அவருக்கு என்னுடயை வாழ்த்துக்கள். இந்த வெற்றி குகேஷின் திறமை, கடின உழைப்பு, அயராத ஆற்றலுக்கு கிடைத்த வெற்றியாகும். குகேஷின் எதிர்கால முயற்சிகளுக்கு என்னுடைய வாழ்த்துக்கள். இவரது வெற்றியானது மில்லியன் கணக்கான இளம் மனங்களை பெரிய கனவு காண தூண்டியிருக்கிறது. இவ்வாறு பிரதமர் மோடி பதிவிட்டுள்ளார். தமிழக முதல்வர் ஸ்டாலினும் குகேஷுக்கு வாழ்த்து தெரிவித்துள்ளார். இது தொடர்பாக முதல்வர் ஸ்டாலின் வெளியிட்டுள்ள எக்ஸ் தளப் பதிவில், 18 வயதிலேயே உலக செஸ் சாம்பியன் பட்டத்தை வென்று சாதனை படைத்துள்ள குகேஷுக்கு வாழ்த்துக்களை தெரிவித்துக் கொள்கிறேன். உன் திறமையால் தமிழகம் பெருமை கொள்கிறது. இந்த சாதனை நாட்டின் செஸ் பாரம்பரியத்தை தொடர்வதோடு, மேலும் பல உலகத்தரம் வாய்ந்த சாம்பியனை உருவாக்குவதனால் உலக செஸ் தலைநகராக அதன் இடத்தை மீண்டும் உறுதிப் படுத்த உதவுகிறது. இவ்வாறு அவர் பதிவிட்டுள்ளார்.

இதேபோல் தமிழக துணை முதல்வர் உதயநிதி ஸ்டாலினும் குகேஷுக்கு வாழ்த்து கூறியுள்ளார். இது தொடர்பாக உதயநிதி ஸ்டாலின் வெளியிட்ட எக்ஸ் தளப்பதிவில், “குகேஷ் வெற்றி தமிழகத்தை கவனத்திற்கு கொண்டு வந்துள்ளது. இளம் வயதில் குகேஷின் அசாத்திய திறமை உத்வேகம் அளிக்கிறது. குகேஷுக்கு என்னுடைய வாழ்த்துக்கள்” என்று பதிவிட்டுள்ளார்.

The post உலக செஸ் சாதனை படைத்த தமிழக வீரர்! appeared first on Dinakaran.