இம்முறையாவது சேலத்தில் திமுக கொடிநாட்டுமா? - அமைச்சர் ராஜேந்திரனுக்கு காத்திருக்கும் சவால்கள்

கோவையைப் போலவே சேலம் மாவட்டமும் இப்போது அதிமுக கோட்டையாகவே இருக்கிறது. அதற்கு, அதிமுக பொதுச்செயலாளர் எடப்பாடி பழனிசாமி இந்த மாவட்டத்துக்காரர் என்பதும் முக்கிய காரணம். இந்த செல்வாக்கை தக்கவைத்துக் கொள்வதற்காக பெரும்பாலும் சென்னையைத் தவிர்த்துவிட்டு சேலத்தையே சுற்றி வருகிறார் இபிஎஸ்.

​மாவட்​டத்தில் உள்ள 11 சட்டமன்றத் தொகுதி​களில் கடந்த முறை 8 தொகுதிகளை அதிமுக​வும், 2 தொகுதிகளை அப்போது அதிமுக கூட்ட​ணியில் இருந்த பாமக-வும் கைப்பற்றின. ஒரே ஒரு தொகுதியை மட்டும் தான் திமுக பிடித்தது. இதனால் திமுக தலைமையே அதிர்ந்து போனது. அந்த ஆதங்கத்​தில், சேலம் வடக்கில் வென்ற பனமரத்​துப்​பட்டி ராஜேந்திரனுக்கு அப்போது அமைச்சர் பதவியைக்கூட வழங்க​வில்லை. இது சேலம் மாவட்ட திமுக​-வினரை அதிருப்தி கொள்ளச் செய்தது.