1 month ago
6
திருச்செந்தூர்: திருச்செந்தூரில் திமுக மாநில ஆதிதிராவிட நலக்குழு சார்பில் தென்மண்டல ஆய்வு கூட்டம் நடந்தது. இதில் சிறப்பு அழைப்பாளராக பங்கேற்ற திமுக துணை பொதுச்செயலாளர் கனிமொழி எம்பி, மூத்த முன்னோடிகள் 100 பேருக்கு பொற்கிழிகள் வழங்கி பேசுகையில் ‘‘இன்றைக்கு வாய் சவடால் எல்லாம் நிறைய வரலாம். ஆனால் நிஜத்தில் என்ன வரும் என்பது தெரியாது. இப்படி பேசியவர்கள் யாரும் ஒன்றும் செய்து காட்டியது இல்லை. அதை நாம் மக்களுக்கு புரிய வைக்க வேண்டும். திண்ணை பிரசாரங்கள், தெருமுனை பிரசாரங்கள், வீடு வீடாக சென்று திமுகவின் சாதனைகளை எடுத்துரையுங்கள்.
இதை செய்தாலே நம்மை தாண்டி தமிழகத்தில் யாரும் வெற்றி பெற முடியாது. எந்த மாறுபாடும் இல்லாமல் தேர்தல் வெற்றியை பெற வேண்டும். 2026ல் நடைபெற உள்ள சட்டப்பேரவைத் தேர்தலில் திமுகவின் வெற்றி என்பது உங்களின் கரங்களில் இருக்கிறது. அனைவரும் கட்டுப்பாடோடு பணியாற்றினால் வெற்றி நிச்சயம். திமுக தலைவரும், முதல்வருமான மு.க.ஸ்டாலின் கூறியதுபோல் 200 தொகுதிகளிலும் நிச்சயமாக, நானும் இறுமாப்போடு சொல்கிறேன் வெற்றி நிச்சயம்’’, என்றார்.
The post இறுமாப்புடன் சொல்கிறேன் 200 தொகுதிகளில் வெல்வோம்: விஜய்க்கு கனிமொழி சவால் appeared first on Dinakaran.
English (US) ·