“இந்து விரோத அரசியலுக்கு முற்றுப்புள்ளி வைத்திடுக” -  முதல்வர் ஸ்டாலினுக்கு தமிழக பாஜக வலியுறுத்தல்

சென்னை: “இனி இந்து மதத்தை கொச்சைப்படுத்துவது, இந்து கடவுள்களை அவமதிப்பது, இந்து பண்டிகைகளுக்கு வாழ்த்து சொல்லாமல் புறக்கணிப்பது மூலம் சிறுபான்மை வாக்கு வங்கியை கைப்பற்றலாம் என்கிற குறுகிய தேர்தல் தேர்தல் ஆதாய சிந்தனைக்கு முடிவு கட்டி, தமிழக முதல்வர் பரந்த மனப்பான்மையுடன் மாற்று மதத்தினர் பண்டிகைகளுக்கு மனம் குளிர வாழ்த்து சொல்வது போல், இந்து மதத்தின் அனைத்து பண்டிகைகளுக்கும் அதே உற்சாகத்துடன் வாழ்த்து சொல்ல வேண்டும்,” என்று பாஜக மாநில செய்திய தொடர்பாளர் ஏ.என்.எஸ்.பிரசாத் கூறியுள்ளார்.

இதுதொடர்பாக அவர் வெளியிட்டுள்ள அறிக்கையில், “தமிழக முதல்வர் ஸ்டாலின் இந்து விரோத அரசியலுக்கு முற்றுப்புள்ளி வைக்க வேண்டும். தமிழக முதல்வர் ஸ்டாலின் சிறுபான்மை வாக்கு வங்கி அரசியலுக்காக மாற்றுமத பண்டிகைகளுக்கு தொடர்ந்து வாழ்த்து சொல்வதும், மாற்று மத சம்பிரதாயங்களை மனமகிழ்ந்து ஏற்று அவர்களை உற்சாகப்படுத்துகிறார். ஆனால் அதே முதல்வர், தேர்தல் அரசியலுக்காக இந்து கோயில்களில் தனக்கு திருநீறும்,குங்குமும் நெற்றியில் வைத்தால், உடனே அழிப்பது தான் மதச்சார்பற்ற தன்மையா? என்பதை விளக்க வேண்டும்.