‘ஹெலிபேடு’ வசதியுடன் அமையும் மதுரை எய்ம்ஸ் மருத்துவமனை - 3டி மாதிரி வீடியோ

மதுரை ‘எய்ம்ஸ்’ மருத்துவமனை எப்படி அமையப் போகிறது என்பது பற்றிய 4 நிமிடங்கள் 3டி வீடியோ ஒன்றை, மதுரை ‘எய்ம்ஸ்’ மருத்துவனை நிர்வாகம் வெளியிட்டுள்ளது. அதில் காண்பிக்கப்பட்டுள்ள ஹெலிபேடு தளத்துடன் அமைய உள்ள பிரம்மாண்ட ‘எய்ம்ஸ்’ மருத்துவனை கட்டிடமும், அங்குள்ள வசதிகளும் பொதுமக்களிடம் பெரும் வரவேற்பை பெற்றுள்ளது.

மதுரை அருகே தோப்பூரில் இந்திய அறிவியல் நிறுவனம் சார்பில் ‘எய்ம்ஸ்’ மருத்துவமனை 222 ஏக்கரில் கட்டுமானப் பணிகள் தொடங்கி நடக்கின்றன. முதற்கட்ட கட்டுமானப் பணிகள் 2026-ம் ஆண்டும், 2-ம் கட்டப் பணிகள் 2027-ம் ஆண்டும் நிறைவுபெற உள்ளன. 900 படுக்கைகளுடன் அமையும் இந்த மருத்துவமனையில் ஹெலிபேடு, குறுங்காடு, பிரமாண்ட மருத்துவக் கட்டிடப் பிரிவுகள், விசாலமான சாலைகள், மேற்கூரையுடன் கூடிய கார் பார்க்கிங் போன்றவை அமைய இருக்கின்றன.