அரசின் முன்னெச்சரிக்கை நடவடிக்கையால் எந்த பகுதியிலும் மழைநீர் தேங்கவில்லை: அமைச்சர் கே.என்.நேரு பெருமிதம்

சென்னை: அரசின் முன்னெச்சரிக்கை நடவடிக்கைகளால் எந்த பகுதியிலும் தண்ணீர் தேங்கவில்லை என்று நகராட்சிநிர்வாக துறை அமைச்சர் கே.என்.நேரு தெரிவித்துள்ளார்.

சென்னை ரிப்பன் கட்டிட வளாகத்தில் செய்தியாளர்களிடம் அமைச்சர் நேரு நேற்று கூறியதாவது: வடகிழக்கு பருவமழை காலத்தில் 48 செ.மீ. மழை பெய்யும் என்றால், கடந்த 15-ம் தேதி ஒரே நாளில்30 செ.மீ. வரை பெய்துள்ளது. இருந்தாலும், அரசின் முன்னெச்சரிக்கை நடவடிக்கைகளால், ஒருசில இடங்களைத் தவிர மற்ற இடங்களில் எந்த பிரச்சினையும் ஏற்படவில்லை. ஒரு சுரங்கப் பாதை தவிர மற்ற அனைத்திலும் போக்குவரத்து நடைபெறுகிறது.