அப்துல் கலாம் பிறந்த நாள்: ராமேசுவரத்தில் சிறப்பு பிரார்தனை; பொதுமக்கள் மலர் தூவி மரியாதை 

ராமேசுவரம்: மறைந்த முன்னாள் குடியரசுத் தலைவர் அப்துல் கலாமின் பிறந்த தினத்தை முன்னிட்டு ராமேசுவரத்தில் உள்ள அவரது நினைவிடத்தில் இன்று (அக்.15) சிறப்பு பிரார்த்தனை நடைபெற்றது. தொடர்ந்து பொதுமக்கள் ஆயிரக்கணக்கில் அவருக்கு மலர் தூவி மரியாதை செலுத்தி வருகின்றனர்.

அப்துல் கலாமின் 93-வது பிறந்த தினம் இன்று நாடு முழுவதும் கொண்டாடப்படுகிறது. இதனை முன்னிட்டு, ராமேசுவரம் பேக்கரும்பில் அமைந்துள்ள கலாமின் தேசிய நினைவகம் முழுவதும் வண்ண விளக்குகளாலும், கலாம் அடக்கம் செய்யப்பட்ட இடத்தில் வண்ண மலர்களாலும் அலங்கரிக்கப்பட்டுள்ளன.