அப்துல் கலாமின் 93-வது பிறந்தநாள் | இளம் மனங்களின் கனவுகளை நனவாக்க தூண்டியவர்: தலைவர்கள் புகழாரம்

சென்னை: மறைந்த முன்னாள் குடியரசுத் தலைவர் அப்துல்கலாமின் பிறந்தநாளை முன்னிட்டு ஆளுநர், முதல்வர் உள்ளிட்ட அரசியல் கட்சித் தலைவர்கள் வாழ்த்து தெரிவித்துள்ளனர். இளம் மனங்களின் கனவுகளை நனவாக்க தூண்டிய தலைவர் என அப்போது அவர்கள் புகழாரம் சூட்டியுள்ளனர்.

மறைந்த முன்னாள் குடியரசுத் தலைவர் அப்துல்கலாமின் 93-வது பிறந்தநாள் நேற்று அனுசரிக்கப்பட்டது. இதையொட்டி ஆளுநர் மாளிகையில் அலங்கரித்து வைக்கப்பட்டிருந்த அவரது படத்துக்கு ஆளுநர் ஆர்.என்.ரவி மலர் தூவி மரியாதை செலுத்தினார். தமிழக அரசின் சார்பில் அண்ணா பல்கலைக்கழக வளாகத்தில் அமைந்துள்ள அப்துல்கலாமின் சிலைக்கு அருகில் வைக்கப்பட்டிருந்த அவரது படத்துக்கு அமைச்சர்கள் மு.பெ.சாமிநாதன், மா.சுப்பிரமணியன், கோவி.செழியன், தமிழச்சி தங்கபாண்டியன் எம்.பி. துணைமேயர் மகேஷ்குமார் உள்ளிட்டோர் மரியாதை செய்தனர். இதேபோல் பல்வேறு கட்சிகளின் அலுவலகங்களில் கலாம் படத்துக்கு மாலை அணிவித்து மரியாதை செலுத்தப்பட்டது.