அதிமுக எம்எல்ஏக்களுக்கு 23-ல் இபிஎஸ் விருந்து: கூட்டணி பற்றிய எதிர்கருத்துக்கு முற்றுப்புள்ளி வைக்கவும் திட்டம்

சென்னை: தமிழகத்தில் 2026 சட்டப்பேரவை தேர்தலுக்கான அதிமுக கூட்டணி உறுதியானது, சட்டப்பேரவை பட்ஜெட் கூட்டத்தொடரில் அதிமுக எம்எல்ஏக்கள் சிறப்பாக செயல்பட்டதற்காக, கட்சி எம்எல்ஏக்களுக்கு வரும் ஏப்.23-ம் தேதி சென்னையில் பழனிசாமி விருந்தளிக்க இருப்பதாக தகவல் வெளியாகியுள்ளது.

தமிழகத்தில் அதிமுக - பாஜக கூட்டணி பிரிந்த நிலையில், 2024 தேர்தலை எதிர்கொண்டு இரு கட்சிகளும் படுதோல்வியை சந்தித்தன. இரு அணிகளும் பிரிந்து தேர்தலை சந்தித்ததால் தான் திமுக கூட்டணிக்கு அனைத்து தொகுதிகளிலும் வெற்றி எளிதாக கிடைத்துவிட்டது என அரசியல் நோக்கர்கள் கருத்து தெரிவித்திருந்தனர்.