அண்ணாமலை பல்கலையின் பி.லிட். படிப்பு பி.ஏ. தமிழ் படிப்புக்கு இணையானது

சிதம்பரம் அண்ணாமலை பல்கலைக்கழகம் வழங்கும் பி.லிட். படிப்பு பி.ஏ. தமிழ் படிப்புக்கு இணையானது என உயர்கல்வித் துறை உத்தரவிட்டுள்ளது. இதுகுறித்து உயர்கல்வித்துறை செயலர் கே.கோபால் வெளியிட்டுள்ள அரசாணையில், சிதம்பரம் அண்ணாமலை பல்கலைக்கழகத்தால் வழங்கப்படும் பி.லிட். படிப்பு வேலைவாய்ப்பு நோக்கில் பி.ஏ. தமிழ் பட்டப்படிப்புக்கு இணையானதாக ஏற்றுக்கொள்ளப்படுகிறது.

மேலும், தஞ்சாவூர் சாஸ்த்ரா நிகர்நிலை பல்கலைக்கழகம் வழங்கும் பி.காம் (ஆனர்ஸ்- வங்கி மற்றும் நிதி பணிகள்) படிப்பும், கோவை அவினாசிலிங்கம் நிகர்நிலை பல்கலைக்கழகம் வழங்கும் பி.காம் (தொழில்சார் கணக்கு) படிப்பும் பி.காம் படிப்புக்கு இணையானதாக அனுமதிக்கப்படுகிறது. என்று தெரிவிக்கப்பட்டுள்ளது.

The post அண்ணாமலை பல்கலையின் பி.லிட். படிப்பு பி.ஏ. தமிழ் படிப்புக்கு இணையானது appeared first on Dinakaran.