அண்ணாமலை இல்லாமல் ஆஃப்மோடில் இருக்கிறதா பாஜக?

தலைவராக பொறுப்பேற்றது முதலே தமிழக பாஜகவை தினம்தோறும் பேசுபொருளாக்கி கொண்டிருந்தார் அண்ணாமலை. இப்போது அவர் வெளிநாடு சென்றுள்ள நிலையில், தமிழக பாஜக பெரியளவில் செய்திகளில் அடிபடாமல் ஆஃப் மோடில் இருக்கிறது. தமிழக பாஜக தலைவராக பொறுப்​பேற்றது முதலே அதிரடி கிளப்பிய அண்ணாமலை வெகு சீக்கிரமே பிரபலமானார்.

இவரின் ஓவர் ஸ்பீடு பிடிக்​காமல் விரைவிலேயே கூட்ட​ணியி​லிருந்து ஒதுங்கிக் கொண்டது அதிமுக. அதன்பின்னர் ‘நாங்​கதான் இங்க எதிர்க்​கட்சி’ என பிரகடனம் செய்து​விட்டு, திமுகவை சகட்டுமேனிக்கு விளாச ஆரம்பித்தார் அண்ணாமலை. இது தமிழக அரசியலில் அவருக்கான ஒரு ஆதரவு தளத்தையும் உருவாக்​கியது.