அண்ணா பல்கலை. மாணவி விவகாரத்தில் எப்ஐஆர் வெளியான விவகாரம்: தேசிய தகவல் மையம் விளக்கம்

அண்ணா பல்கலைக்கழக மாணவி பாலியல் விவகாரத்தில் காவல் நிலையத்தில் பதியப்பட்ட முதல் தகவல் அறிக்கை வெளியே கசிய தொழில்நுட்ப பிரச்சினையே காரணம் என தேசிய தகவல் மையம் விளக்கம் அளித்துள்ளது.

சென்னை அண்ணா பல்கலைக்கழக மாணவி பாலியல் வன்கொடுமை புகார் தொடர்பாக கோட்டூர்புரம் காவல் நிலையத்தில் போடப்பட்ட முதல் தகவல் அறிக்கை பொதுவெளியில் வெளியாகி பரபரப்பை ஏற்படுத்தியது. இதுதொடர்பாக, உயர் நீதிமன்றமும் அதிருப்தி தெரிவித்திருந்தது. அப்போதே, தொழில்நுட்ப பிரச்சினையால் இந்த நிகழ்வு ஏற்பட்டதாக அரசு தரப்பில் விளக்கம் அளிக்கப்பட்டிருந்தது.