அண்ணா பல்கலை. பாலியல் கொடுமை: சென்னையில் அதிமுக, பாஜக ஆர்ப்பாட்டம்; 1,500 பேர் கைது

சென்னை அண்ணா பல்கலைக்கழக வளாகத்தில், பொறியியல் மாணவி பாலியல் வன்கொடுமை செய்யப்பட்ட சம்பவம் தமிழகம் முழுவதும் பெரும் அதிர்வலைகளை ஏற்படுத்தியுள்ளது. இதுதொடர்பாக கைது செய்யப்பட்ட ஞானசேகரன், போலீஸிடம் இருந்து தப்பிக்க முயன்றபோது, கை காலில் முறிவு ஏற்பட்டு மருத்துவமனையில் சேர்க்கப்பட்டுள்ளார். வன்கொடுமை சம்பவத்தை கண்டித்து சென்னையில் ஆர்ப்பாட்டம் நடத்திய அதிமுக, பாஜக கட்சியினர் 1,500 பேர் கைது செய்யப்பட்டனர்.

சென்னை அண்ணா பல்கலைக்கழகத்தில் பொறியியல் பயின்று வரும் மாணவி கடந்த 23-ம் தேதி இரவு 7.45 மணி அளவில் அதே கல்லூரியில் படிக்கும் நெருங்கிய நண்பருடன் பல்கலைக்கழக வளாகத்தில் உள்ள கட்டிடத்தின் பின்புறம் உள்ள தூண் அருகே நெருக்கமாக அமர்ந்து பேசிக்கொண்டு இருந்துள்ளார்.