அடுக்குமாடி குடியிருப்புக்குள் புகுந்து பெண்ணை தாக்கி நகை பறித்த மர்ம நபர் கைது!

சென்னை: சென்னையில் பட்டப்பகலில் அடுக்குமாடி குடியிருப்புக்குள் புகுந்து பெண்ணை தாக்கி நகை பறித்துச் சென்ற மர்ம நபரின் வீடியோ வெளியாகி பெரும் பரபரப்பை ஏற்படுத்தியுள்ளது. சென்னை வானகரம் பகுதியில் அடுகுமாடி குடியிருப்பு ஒன்று உள்ளது. அந்த அடுக்குமாடி குடியிருப்பில் ஏராளமான வீடுகள் உள்ள நிலையில், அதில் பலர் குடும்பங்களுடன் வசித்து வருகின்றனர்.

இந்த நிலையில், அந்த அடுக்குமாடி குடியிருப்புக்குள் அத்துமீறி நுழைந்த மர்ம நபர் ஒருவர், வீடுகளை நோட்டமிட்டவாறு ஒரு வீட்டின் ஹாலிங் பெல்லை அலுத்தியுள்ளார். அப்போது வீட்டில் இருந்து பெண் வெளியே வந்த நிலையில், அந்த பெண்ணை தாக்கி அந்த மர்ம நபர் நகையை பறித்துவிட்டு அங்கிருந்து தப்பித்துள்ளார்.

இந்த சம்பவத்தில் பாதிக்கப்பட்ட பெண் சிகிச்சைக்காக மருத்துவமனையில் அனுமதிக்கப்பட்டுள்ளார். சம்பவம் தொடர்பாக காவல் நிலையத்தில் புகார் அளிக்கப்பட்ட நிலையில், குற்றத்தில் ஈடுபட்ட சதீஷ் என்ற இளைஞரை போலீசார் கைது செய்துள்ளார். பட்டப்பகலில் அடுக்குமாடி குடியிருப்பில் நடந்த இந்த சம்பவத்தால் மக்கள் அதிர்ச்சி அடைந்துள்ளனர்.

The post அடுக்குமாடி குடியிருப்புக்குள் புகுந்து பெண்ணை தாக்கி நகை பறித்த மர்ம நபர் கைது! appeared first on Dinakaran.