அங்கீகாரமற்ற நர்சரி பள்ளிகள் மீது நடவடிக்கை: பாரபட்சமின்றி மேற்கொள்ள அமைச்சர் அன்பில் மகேஸ் அறிவுறுத்தல்

சென்னை: அங்கீகாரமின்றி செயல்படும் நர்சரி பள்ளிகளை கண்டறிந்து உரிய நடவடிக்கைகள் எடுக்க வேண்டுமென அமைச்சர் அன்பில் மகேஸ் அறிவுறுத்தியுள்ளார். தமிழகத்தில் பள்ளிகளுக்கான கோடை விடுமுறை முடிந்து ஜூன் 2-ம் தேதி முதல் பள்ளிகள் திறக்கப்பட உள்ளன. இதற்கான முன்னேற்பாடுகள் அனைத்து பள்ளிகளிலும் தற்போது தீவிரமாக மேற்கொள்ளப்பட்டு வருகின்றன.

இந்நிலையில் பள்ளிக்கல்வித் துறை அமைச்சர் அன்பில் மகேஸ், துறைசார் இயக்குநர்கள், முதன்மை, மாவட்டக் கல்வி அலுவலர்களுடன் காணொலி வாயிலாக நேற்று கலந்துரையாடினார். அப்போது பள்ளிகள் திறப்பை முன்னிட்டு செய்யப்பட வேண்டிய முன்னேற்பாடுகள் குறித்து பல்வேறு ஆலோசனைகளை அவர் வழங்கினார்.