அகவிலைப்படி, பணிக்கொடை நிலுவை கோரி ஆர்ப்பாட்டம்: போக்குவரத்து ஓய்வூதியர்கள் அறிவிப்பு

மதுரை: அகவிலைப்படி, பணிக்கொடை நிலுவை உட்பட பல்வேறு கோரிக்கைகளை வலியுறுத்தி தமிழகம் முழுவதும் போக்குவரத்து கழக ஓய்வூதியர்கள் நாளையும், நாளை மறுநாளும் கருப்புக்கொடி ஆர்ப்பாட்டம் நடத்த இருக்கின்றனர்.

இது குறித்து அரசு போக்குவரத்து கழக ஓய்வுபெற்றோர் நலச் சங்கம் தலைவர் கிருஷ்ணன், பொதுச் செயலாளர் கர்சன், பொருளாளர் வரதராஜன் ஆகியோர் கூறியதாவது: தமிழகத்தில் அரசு போக்குவரத்து கழகங்களில் 30, 40 ஆண்டுகளுக்கு மேல் பணிபுரிந்து ஓய்வு பெற்றவர்கள், பணி ஓய்வுக்குப் பின் மறைந்த தொழிலாளர்களின் குடும்ப ஓய்வூதியர்கள் என 96 ஆயிரம் குடும்பங்களின் கோரிக்கைகள் கடந்த அதிமுக ஆட்சியிலும், தற்போதைய திமுக ஆட்சியிலும் நிறைவேற்றப்படாமல் உள்ளது.