திமுக தேர்தல் வாக்குறுதிகள் குறித்து முன்னுக்குப்பின் முரணாகப் பேசும் முதல்வர்: இபிஎஸ் விமர்சனம்

திமுகவின் தேர்தல் வாக்குறுதிகள் நிறைவேற்றப்பட்டது குறித்து முன்னுக்குப்பின் முரணாக முதல்வர் பேசுவதாக எதிர்க்கட்சித் தலைவர் பழனிசாமி விமர்சனம் செய்துள்ளார்.

இதுகுறித்து நேற்று அவர் வெளியிட்ட அறிக்கையில் கூறியிருப்பதாவது: கடந்த 22-ம் தேதி சிவகங்கையில் நடைபெற்ற அரசு விழாவில், முதல்வர் பேசும்போது, “திண்ணையில் உட்கார்ந்து கொண்டு வெட்டிப் பேச்சு பேசுவது போன்று, வாய்க்கு வந்தபடி எதிர்க்கட்சித் தலைவர் பேசலாமா?" என்று கேட்டுள்ளார்.