76-வது குடியரசு தின விழா கொண்டாட்டம்: தமிழக ஆளுநர் மற்றும் தமிழக முதலமைச்சர் மு.க.ஸ்டாலின் பங்கேற்பு..!!

சென்னை: 76-வது குடியரசு தின விழா கொண்டாட்டத்தை முன்னிட்டு தமிழக ஆளுநர் ஆர்.என்.ரவி மற்றும் தமிழக முதலமைச்சர் மு.க.ஸ்டாலின் பங்கேற்க உள்ளனர். இது குறித்து வெளியிடப்பட்டுள்ள அறிக்கையில், 26.01.2025 அன்று மெரினா கடற்கரையில் அமைந்துள்ள உழைப்பாளர் சிலை அருகில் 76-வது குடியரசு தின விழா கொண்டாடப்பட உள்ளது. மேலும் இவ்விழாவில் தமிழக ஆளுநர் மற்றும் தமிழக முதல்வர் கலந்து கொள்ள உள்ளனர். 2023ஆம் ஆண்டு பாரதிய நாகரிக் சுரக்ஷா சன்ஹிதா பிரிவு 163ன் கீழ் ட்ரோன்கள் ரிமோட் மூலம் இயக்கப்படும் மைக்ரோலைட் ஏர்கிராப்ட், பாரா கிளைடர்ஸ்.

பாரா மோட்டார்ஸ். ஹேன்ட் கிளைடர்ஸ், ஹாட் ஏர் பலூன்கள் போன்றவற்றை சென்னை பெருநகர காவல் எல்லையில் பறக்க விட 26.12.2024 முதல் 23.02.2025 வரை தடை செய்யப்பட்ட ஆணை ஏற்கனவே நடைமுறையில் உள்ளது. எனவே, பாதுகாப்பு அலுவலின் பொருட்டு சென்னையில் 25.01.2025 மற்றும் 26.01.2025 ஆகிய இரு நாட்களிலும் (அரசு விழாக்கள் தவிர)

i)மெரினா கடற்கரையில் அமைந்துள்ள உழைப்பாளர் சிலை மற்றும் சுற்றியுள்ள பகுதிகள்,
ii) ராஜ் பவன் முதல் மெரினா கடற்கரை வரை மற்றும்
iii) தமிழக முதல்வரின் இல்லத்தில் இருந்து மெரினா கடற்கரை வரையில் செல்லும் வழித்தடங்கள் சிவப்பு மண்டலமாக அறிவிக்கப்பட்டு (“RED ZONE”) அந்த பகுதிகளில் Remotely Piloted Aircraft Systems (RPAS)/Drone மற்றும் எந்தவிதமான பொருட்களும் பறக்கவிட தடை விதிக்கப்படுகிறது. இவ்வாறு தெரிவிக்கப்பட்டுள்ளது.

The post 76-வது குடியரசு தின விழா கொண்டாட்டம்: தமிழக ஆளுநர் மற்றும் தமிழக முதலமைச்சர் மு.க.ஸ்டாலின் பங்கேற்பு..!! appeared first on Dinakaran.