29ம் தேதி அதிமுக மாவட்ட செயலாளர்கள் கூட்டம்

சென்னை,

அதிமுக மாவட்ட செயலாளர்கள் கூட்டம் வரும் 29,30ம் தேதி ஆகிய நாட்கள் நடைபெறும் என அதிமுக தலைமை அறிவித்துள்ளது

இது தொடர்பாக அதிமுக தலைமை வெளியிட்டுள்ள அறிக்கையில்,

அதிமுக பொதுச் செயலாளர், சட்டமன்ற எதிர்க்கட்சித் தலைவர், தமிழ்நாடு முன்னாள் முதல்-அமைச்சர் எடப்பாடி பழனிசாமி தலைமையில், சென்னை, ராயப்பேட்டை, அவ்வை சண்முகம் சாலையில் உள்ள தலைமைக் கழக புரட்சித் தலைவர் எம்.ஜி.ஆர். மாளிகையில், வருகின்ற 29., 30 ஆகிய தேதிகளில் கழக வளர்ச்சிப் பணிகள் குறித்து, மாவட்டப் பொறுப்பாளர்கள்; மாவட்டக் கழகச் செயலாளர்கள் ஆலோசனைக் கூட்டம் நடைபெற உள்ளது. மேற்கண்ட ஆலோசனைக் கூட்டங்களில், மாவட்டப் பொறுப்பாளர்களும்; மாவட்டக் கழகச் செயலாளர்களும் தவறாமல் கலந்துகொள்ள வேண்டும். என தெரிவிக்கப்பட்டுள்ளது .