18 வயது நிரம்பிய அனைவருக்கும் புற்றுநோய் பரிசோதனை மேற்கொள்ள திட்டம்: அமைச்சர் மா.சுப்பிரமணியன் தகவல்

திருவாரூர்: தமிழகத்தில் 18 வயது நிரம்பிய அனைவருக்கும் புற்றுநோய் பரிசோதனை நடத்தும் திட்டம் உள்ளது என்று சுகாதாரத் துறை அமைச்சர் மா.சுப்பிரமணியன் கூறினார்.

திருவாரூரில் செய்தியாளர்களிடம் அவர் நேற்று கூறியதாவது: ஈரோடு, திருப்பத்தூர், ராணிப்பேட்டை, கன்னியாகுமரி மாவட்டங்களில், சாயப்பட்டறைகள் உள்ளிட்ட தொழிற்சாலைகள் காரணமாக 18 வயது நிரம்பியவர்களுக்கு புற்றுநோய் பாதிக்கவாய்ப்புள்ளது. எனவே அப்பகுதியைச் சேர்ந்தவர்களுக்கு புற்றுநோய் பரிசோதனை நடத்தப்படும் என்று முதல்வர் ஸ்டாலின் அறிவிப்பு வெளியிட்டிருந்தார்.