வேதாரண்யம் அருகே பொங்கல் விளையாட்டு போட்டி

வேதாரண்யம், ஜன. 18: வேதாரண்யம் தாலுக்கா ஆயக்காரன்புலம் ஒன்றாம் சேத்திபிச்சை கட்டளைபகுதியில் இளைஞர்கள் அப்போது பொதுமக்கள் ஆண்டு தோறும் பொங்கல் விழா கொண்டாடுவது வழக்கம். இந்தாண்டு இப்பகுதியில் 25 வது ஆண்டு வெள்ளி விழா கொண்டாட்டமாக விளையாட்டுப் போட்டிகள் நடைபெற்றது. உறியடித்தல், நீளம் தாண்டுதல், 100 மீட்டர் ஒட்ட பந்தயம் ,கபடி கோலப்போட்டி உள்ளிட்ட பல்வேறு போட்டிகள் நடத்தி வெற்றி பெற்றவர்களுக்கு பரிசுகள் வழங்கப்பட்டது.

வேதாரண்யம் மேற்கு ஒன்றிய திமுக செயலாளர் உதயம்முருகையன் தலைமை வகித்து பரிசுகளை வழங்கினார். நிகழ்ச்சியில் முன்னாள் சட்டமன்ற உறுப்பினர் வேதரத்தினம், முன்னாள் மாவட்ட கவுன்சிலர் சோழன், தொழிலதிபர் சண்முகம் இளைஞர் அணி விக்னேஷ் உள்ளிட்ட ஒன்றிய பொறுப்பாளர்கள் கலந்து கொண்டனர். சிறுவர் சிறுமிகளின் கலை நிகழ்ச்சிகள் நடைபெற்றது.

The post வேதாரண்யம் அருகே பொங்கல் விளையாட்டு போட்டி appeared first on Dinakaran.