வெள்ள பாதிப்பை தடுக்க நிரந்த தீர்வு கோரும் காஞ்சி - அருந்ததியர், ஆதிதிராவிடர் குடியிருப்பு பகுதி மக்கள்!

​காஞ்​சிபுரம் மாநக​ராட்​சி​யின் 21-வது வார்டு பகுதி​யில் மஞ்சள்​நீர் கால்​வாய் கரையில் அருந்​த​தியர் நகர், ஆதிதிரா​விடர் பகுதி அமைந்​துள்ளது. இங்கு, கடந்த 1983-ம் ஆண்டு முதல் சுமார் 64 குடும்​பங்கள் வசித்து வருகின்றன. ராஜாஜி மார்க்​கெட் பகுதி​யில் வசித்து வந்த இந்த மக்களை, அப்போதைய அரசு இடமாற்றம் செய்​த​தால் மேற்​கண்ட பகுதி​யில் வசித்து வருகின்​றனர்.

மேலும், மறைந்த முன்​னாள் முதல்வர் எம்.ஜி.ஆர் ஆட்சிக் காலத்​தில் மேற்​கண்ட பகுதி​யில் வசிக்​கும் மக்களுக்கு பட்டா மற்றும் வீட்டு வசதி வாரி​யத்​தின் மூலம் ரூ.6 ஆயிரம் மானி​யத்​தில் தொகுப்பு வீடுகள் அமைத்து தரப்​பட்​டது. இந்த அருந்​த​தியர் நகர், மஞ்சள் நீர் கால்​வாய் கரையோரம் அமைந்​துள்ள​தால் ஒவ்வொரு ஆண்டும், மழைக்​காலத்​தின்​போது கால்​வா​யில் வெள்​ள ​​பெருக்கு ஏற்பட்டு அப்பகுதி வாசிகளின் குடி​யிருப்புகள் வெள்​ளத்​தில் மிதக்​கும் நிலை உள்ளது.