வீட்டு வசதி வாரியத்தில் வாங்கிய சொத்துக்கு பட்டா பெற 3 நாள் சிறப்பு முகாம்: மணலி புதுநகரில் நடக்கிறது

சென்னை: தமிழ்நாடு வீட்டு வசதி வாரியத்திடம் இருந்து வாங்கிய சொத்துக்கு பட்டா பெற சென்னை, மணலி புதுநகர் பகுதியில் இன்று முதல் 3 நாட்கள் சிறப்பு முகாம் நடைபெறுகிறது. இதுகுறித்து தமிழ்நாடு வீட்டு வசதி வாரியம் நேற்று வெளியிட்டுள்ள அறிக்கை:தமிழ்நாடு வீட்டு வசதி வாரியம், சென்னை மாநகரம், மணலி புதுநகர் திட்டப்பகுதியில் உள்ள பகுதி-1, பகுதி-2 மற்றும் சென்னை பெருநகர வளர்ச்சி குழுமம் ஆகியவற்றால் மனைகள், வீடுகள் மற்றும் அடுக்குமாடி குடியிருப்புகளை உருவாக்கி பொதுமக்களுக்கு ஒதுக்கீடு செய்யப்பட்டது. அவ்வாறு ஒதுக்கீடு பெற்று முழு தொகையையும் செலுத்திய ஒதுக்கீடுதாரர்களுக்கு விற்பனை பத்திரம் வழங்கப்பட்டு வருகிறது.
இதனைத் தொடர்ந்து, தமிழக அரசின் மேலான உத்தரவிற்கு இணங்க மணலி புதுநகர் திட்டப்பகுதியில் உள்ள ஒதுக்கீடுதாரர்களுக்கு வருவாய் துறையிடம் இருந்து நில உரிமை ஆவணம் (பட்டா) பெறுவதற்கு சிறப்பு முகாம் நடத்தப்பட
உள்ளது.

தமிழ்நாடு வீட்டு வசதி வாரியம் மற்றும் சென்னை பெருநகர வளர்ச்சி குழுமம் ஆகியவற்றின் ஒதுக்கீடுதாரர்கள் இந்த சிறப்பு முன் முயற்சியை பயன்படுத்தி தாங்கள் வீட்டு வசதி வாரியத்திடம் இருந்து மற்றும் சென்னை பெருநகர வளர்ச்சி குழுமத்திடம் இருந்து வாங்கிய சொத்திற்கு நில உரிமை ஆவணம் (பட்டா) பெறுவதற்கு ஏதுவாக தாங்கள் விற்பனை பத்திரங்கள் மற்றும் இதர ஆவணங்கள் தமிழ்நாடு வீட்டு வசதி வாரியம் மற்றும் வருவாய் துறை சார்பாக சிறுவர் மாநகராட்சி பூங்கா, மணலி பகுதி-2ல் இன்று (19ம் தேதி), நாளை மற்றும் 21ம் தேதி ஆகிய நாட்களில் காலை 10 மணி முதல் மாலை 6 வரையில் நடத்தப்படும் சிறப்பு முகாமில் ஆவணங்களின் நகலினை ஒப்படைத்து பட்டா பெறுவதற்கு விண்ணப்பிக்கலாம். ஏற்கனவே மேற்காணும் திட்டப்பகுதியில் பட்டா பெறுவதற்கு ஏற்கனவே விண்ணப்பம் அளித்திருந்தால் மீண்டும் விண்ணப்பம் அளிக்க வேண்டாம். இவ்வாறு அதில் கூறப்பட்டுள்ளது.

The post வீட்டு வசதி வாரியத்தில் வாங்கிய சொத்துக்கு பட்டா பெற 3 நாள் சிறப்பு முகாம்: மணலி புதுநகரில் நடக்கிறது appeared first on Dinakaran.