விலை போகாத செங்கரும்புகள் நஷ்டத்தால் விவசாயிகள் வேதனை

ஈரோடு,ஜன.31: ஈரோடு அடுத்த பி.பெ.அக்ரஹாரம் பகுதியில் செங்கரும்புகள் விலை போகாததால், அறுவடை செய்யாமல் விவசாயிகள் கவலையில் உள்ளனர். ஈரோடு அடுத்த பி.பெ.அக்ரஹாரம் தடுப்பணை பகுதியில், 15க்கும் மேற்பட்ட ஏக்கரில் செங்கரும்புகள் சாகுபடி செய்யப்பட்டிருந்தது. இந்த கரும்புகள் ஏக்கருக்கு ரூ.80 ஆயிரம் முதல் ரூ.1 லட்சம் வரை செலவழித்து,10 மாதங்கள் உழைத்து அறுவடைக்கு தயாராக இருந்த நிலையில், பொங்கல் பண்டிகைக்கு கரும்புகள் விலை போகவில்லை.

இதனால், அறுவடை செய்யாமல், விவசாயிகள் வேதனை அடைந்துள்ளனர். இதுகுறித்து கரும்பு விவசாயிகள் கூறியதாவது:ஏக்கருக்கு ரூ.80 முதல் ரூ.1 லட்சம் வரை செலவழித்து கரும்புகளை பயிரிட்டிருக்கிறோம்.பொங்கல் பண்டிகையையொட்டி, இந்த கரும்புகள் நல்ல விலை போகும் என எதிர்பார்த்த நிலையில்,அவை விலை போகவில்லை. இதனால், பல லட்சம் எங்களுக்கு நஷ்டம் ஏற்பட்டுள்ளது. இவ்வாறு அவர்கள் கூறினர்.

The post விலை போகாத செங்கரும்புகள் நஷ்டத்தால் விவசாயிகள் வேதனை appeared first on Dinakaran.