2 hours ago
2
தர்மபுரி: தமிழக வெற்றிக்கழகம் சார்பில் தர்மபுரி மாவட்ட வழக்கறிஞர் பிரிவு ஆலோசனைக் கூட்டம் தர்மபுரி ஐஎம்ஏ ஹாலில் நேற்று நடந்தது. இக்கூட்டத்திற்கு தர்மபுரி மாவட்ட தலைவர் தாபா சிவா தலைமை வகித்தார். மாவட்டத்தின் பல்வேறு பகுதிகளில் இருந்து வழக்கறிஞர்கள் மற்றும் தமிழக வெற்றிக்கழகத்தின் நிர்வாகிகள், உறுப்பினர்கள் கலந்து கொண்டனர். இக்கூட்டத்தில், தர்மபுரி மாவட்டத்தில் பல்வேறு கட்சிகளில் இருந்து விலகியவர்கள், தமிழக வெற்றிக்கழகத்தில் இணைந்தனர்.
அவர்களுக்கு கட்சித் துண்டுகள் அணிவித்து வரவேற்பு அளிக்கப்பட்டது. பின்னர் நிர்வாகிகளிடையே, தர்மபுரி மாவட்ட தலைவர் சிவா பேசுகையில், ‘வரும் 2026 சட்டமன்றத் தேர்தலில், தர்மபுரி மாவட்டத்தில் உள்ள 5 சட்டமன்ற தொகுதிகளில், ஏதேனும் ஒரு தொகுதியில் தமிழக வெற்றிக் கழகத்தின் சார்பில் கட்சித் தலைவர் விஜய் போட்டியிடுவார்,’ என்றார். தர்மபுரி மாவட்டத்தில், விஜய் போட்டியிடுவார் என்ற பேச்சை கேட்டதும், கட்சியினர் கைதட்டி வரவேற்றனர்.
The post வரும் 2026 சட்டமன்ற தேர்தலில் தவெக தலைவர் விஜய் தர்மபுரியில் போட்டி?: மாவட்ட தலைவர் தகவல் appeared first on Dinakaran.
English (US) ·