வத்திராயிருப்பு அருகே கஞ்சா விற்ற 2 பேர் கைது

வத்திராயிருப்பு, டிச.8: வத்திராயிருப்பு அருகே கஞ்சா விற்ற இருவரை போலீசார் கைது செய்தனர். விருதுநகர் மாவட்டத்தில் கஞ்சா உள்ளிட்ட போதைப்பொருட்கள் விற்பனையை தடுக்க போலீசார் அதிரடி ரோந்துப்பணியில் ஈடுபட்டு வருகின்றனர். இந்நிலையில், வத்திராயிருப்பு அருகே புதுப்பட்டி பிரிவில் கஞ்சா விற்பனை செய்வதாக வத்திராயிருப்பு போலீசாருக்கு தகவல் கிடைத்தது. இதையடுத்து சப் இன்ஸ்பெக்டர் விஜய சண்முகநாதன் தலைமையிலான போலீசார் சம்பவ இடத்திற்கு சென்று பார்த்த போது, மேல கோபாலபுரம் ஆர்.சி தெருவை சேர்ந்த மாதவன் (24) மற்றும் வத்திராயிருப்பு மேலத்தெருவை சேர்ந்த ரமேஷ் (38) ஆகியோர் கஞ்சா விற்பனையில் ஈடுபட்டது தெரியவந்தது. இதையடுத்து இவர்கள் இருவரையும் போலீசார் கைது செய்து 120 கிராம் கஞ்சா, ரொக்கப்பணம் ரூ.890, ஒரு டூவீலரை பறிமுதல் செய்தனர்.

The post வத்திராயிருப்பு அருகே கஞ்சா விற்ற 2 பேர் கைது appeared first on Dinakaran.