வக்பு வாரிய சட்டத்திருத்த கருத்துக் கேட்பு கூட்டம்; இஸ்லாமியர்களுக்கு திமுக ஓரவஞ்சனை: இபிஎஸ்

சென்னை: மத்திய அரசு உத்தேசித்துள்ள வக்பு வாரிய சட்டத்திருத்தம் தொடர்பான நாடாளுமன்றக் கூட்டுக்குழு கூட்டத்திற்கு பல இஸ்லாமிய அமைப்புகளுக்கு அழைப்பு விடுக்காத திமுக அரசுக்கு கண்டனம் தெரிவிப்பதாக எதிர்க்கட்சித் தலைவர் இபிஎஸ் தெரிவித்துள்ளார்.

இது குறித்து அவர் வெளியிட்டிருக்கும் அறிக்கையில், “மத்திய அரசு, சென்ற நாடாளுமன்றக் கூட்டத்தில் வக்பு வாரிய சட்டத்தில் பல திருத்தங்களை மேற்கொள்ளும் சட்டத் திருத்தத்தை அறிமுகப்படுத்தியது. இச்சட்டம் அறிமுகப்படுத்தப்படும்பொழுதே பலத்த எதிர்ப்புகள் உருவானதைத் தொடர்ந்து இச்சட்டம் கூட்டு நாடாளுமன்றக் குழுவிற்கு (JPC.) அனுப்பப்பட்டது.