ரூ. 28 கோடி லஞ்சம் பெற்றதாக வழக்கு | முன்னாள் அமைச்சர் வைத்திலிங்கம் வீட்டில் அமலாக்கத் துறை சோதனை

சென்னை: அதிமுக முன்னாள் அமைச்சர் வைத்திலிங்கத்துக்கு சொந்தமான இடங்களில் அமலாக்கத் துறையினர் சோதனை மேற்கொண்டுள்ளனர். சட்ட விரோத பணப் பரிவர்த்தனையில் அவர் ஈடுபட்ட புகாரின் அடிப்படையில் சோதனை என தகவல் கிடைத்துள்ளது.

தஞ்சாவூர் - ஒரத்தநாடு பகுதியில் உள்ள அவரது வீடு, சென்னை சட்டமன்ற உறுப்பினர்களுக்கான விடுதியில் உள்ள அவரது அறை, அவரது மகனின் வீடு ஆகிய இடங்களில் அமலாக்கத் துறை அதிகாரிகள் சோதனை நடத்தி வருகின்றனர். அடுக்குமாடி குடியிருப்புகள் கட்ட அனுமதி வழங்க ரூ.27.90 கோடி லஞ்சம் வாங்கியதாக வைத்திலிங்கம் மீது லஞ்ச ஒழிப்பு பிரிவு போலீஸார் வழக்கு பதிவு செய்தனர். இந்நிலையில், அமலாக்கத் துறையினர் தற்போது சோதனை மேற்கொண்டு வருகின்றனர்.