ராமேஸ்வரம் மீனவர்கள் 8 பேர் கைது

ராமேஸ்வரம்: ராமநாதபுரம் மாவட்டம், ராமேஸ்வரம் மீன்பிடி துறைமுகத்தில் இருந்து நேற்று முன்தினம் 300க்கும் மேற்பட்ட விசைப்படகுகளில் மீனவர்கள் கடலுக்குச் சென்றனர். நள்ளிரவில் மீன்பிடித்து கொண்டிருந்தபோது, 10க்கும் மேற்பட்ட ரோந்துப் படகுகளில் அங்கு வந்த இலங்கை கடற்படையினர், ராமேஸ்வரத்தை சேர்ந்த முகேஷ்குமார் படகில் இருந்த களஞ்சியம் (47), முனீஸ்வரன் (49), கார்மேகம் (60), கண்ணன் (43), தங்கச்சிமடத்தைச் சேர்ந்த மரியரெட்ரிஷன் படகில் இருந்த பிரிஸ்மன் (25), பிரியன் (30), மரிய ஜான்ரெமோரோ (29), சவேரியார் அடிமை (48) ஆகியோரை அவர்களது படகுகளுடன் கைது செய்தனர். கைதான மீனவர்கள் மன்னார் கடற்படை முகாமிற்கு அழைத்துச் செல்லப்பட்டனர்.

The post ராமேஸ்வரம் மீனவர்கள் 8 பேர் கைது appeared first on Dinakaran.