ராணுவத்திற்கு எதிராக பேசுவது பேச்சு சுதந்திரத்தில் வராது: அலகாபாத் உயர் நீதிமன்றம் ராகுல்காந்திக்கு கண்டனம்

லக்னோ: பேச்சு சுதந்திரம் ராணுவத்திற்கும் எதிராக அவதூறான அறிக்கைகளை வெளியிடும் சுதந்திரத்தை உள்ளடக்காது என்று அலகாபாத் உயர் நீதிமன்றம் தெரிவித்துள்ளது. 2022 ஆம் ஆண்டு இந்திய ஒற்றுமை யாத்திரையின் போது ராணுவத்திற்கு எதிராக அவதூறான கருத்துகளை தெரிவித்ததாக கூறி ராகுல்காந்தி மீது லக்னோ நீதிமன்றத்தில் தொடரப்பட்ட வழக்கில் அவருக்கு சம்மன் அனுப்ப உத்தரவிடப்பட்டது. இதை எதிர்த்து ராகுல்காந்தி அலகாபாத் உயர் நீதிமன்றத்தின் லக்னோ அமர்வில் முறையிட்டார்.

இந்த மனுவை விசாரித்த நீதிபதி சுபாஷ் வித்யாதி, ‘ இந்திய ராணுவத்திற்கு எதிராக அவதூறான அறிக்கைகளை வெளியிட்டதற்காக ராகுல் காந்தி மீது முதன்மையான வழக்கு உள்ளது. சந்தேகத்திற்கு இடமின்றி, இந்திய அரசியலமைப்பின் பிரிவு 19(1)(அ) பேச்சு மற்றும் கருத்து சுதந்திரத்தை உறுதி செய்கிறது. இந்த சுதந்திரம் நியாயமான கட்டுப்பாடுகளுக்கு உட்பட்டது மற்றும் எந்தவொரு நபருக்கும் அவதூறான அல்லது இந்திய ராணுவத்திற்கு அவதூறான அறிக்கைகளை வெளியிடும் சுதந்திரத்தை உள்ளடக்காது’ என்று தெரிவித்தார்.

The post ராணுவத்திற்கு எதிராக பேசுவது பேச்சு சுதந்திரத்தில் வராது: அலகாபாத் உயர் நீதிமன்றம் ராகுல்காந்திக்கு கண்டனம் appeared first on Dinakaran.