மேட்டூர் அணைக்கு நீர் வரத்து அதிகரிப்பு - 2வது முறையாக 100 அடியை எட்டிய நீர்மட்டம்

மேட்டூர்: மேட்டூர் அணை நீர்மட்டம் நடப்பாண்டில் 2-வது முறையாக இன்று காலை 100 அடியை மீண்டும் எட்டியது.

கேரளா, கர்நாடகாவில் பெய்த தென்மேற்கு பருவமழையின் போது, மேட்டூர் அணை நீர்மட்டம் கடந்த ஜூலை 27-ம் தேதி 71-வது முறையாக 100 அடியை எட்டியது. தொடர்ந்து, அணைக்கு நீர்வரத்து அதிகரிப்பால், கடந்த ஜூலை 30-ம் தேதி முழு கொள்ளளவான 120 அடியை எட்டியது. இந்நிலையில் காவிரி டெல்டா பாசனத்துக்கு நீர் திறப்பால், கடந்த ஆகஸ்ட் 9-ம் தேதி நீர்மட்டம் 119 அடியாக சரிந்தது.