மேஜர் லீக் கிரிக்கெட்; எம்.ஐ.நியூயார்க் அணியை வீழ்த்திய வாஷிங்டன் பிரீடம்

புளோரிடா,

மேஜர் லீக் கிரிக்கெட் தொடர் அமெரிக்காவில் நடைபெற்று வருகிறது. இந்த தொடரில் நேற்று நடைபெற்ற லீக் ஆட்டம் ஒன்றில் வாஷிங்டன் பிரீடம் - எம்.ஐ.நியூயார்க் அணிகள் மோதின. மழை காரணமாக இந்த ஆட்டம் 18 ஓவர்களாக குறைக்கப்பட்டது. இந்த போட்டிக்கான டாசில் வென்ற எம்.ஐ. நியூயார்க் அணி முதலில் பேட்டிங் செய்வதாக அறிவித்தது.

தொடர்ந்து முதலில் பேட்டிங் செய்த எம்.ஐ. நியூயார்க் அணி 18 ஓவரில் 8 விக்கெட்டை இழந்து 112 ரன்கள் மட்டுமே எடுத்தது. எம்.ஐ. நியூயார்க் தரப்பில் அதிகபட்சமாக குன்வர்ஜீத் சிங் 33 ரன் எடுத்தார். வாஷிங்டன் பிரீடம் தரப்பில் மேக்ஸ்வெல் 3 விக்கெட் வீழ்த்தினார்.

தொடர்ந்து 113 ரன் எடுத்தால் வெற்றி என்ற இலக்குடன் களம் புகுந்த வாஷிங்டன் பிரீடம் அணி 15 ஓவரில் 4 விக்கெட்டை இழந்து 113 ரன் எடுத்து 6 விக்கெட் வித்தியாசத்தில் அபார வெற்றி பெற்றது. வாஷிங்டன் பிரீடம் தரப்பில் அதிகபட்சமாக ஆண்ட்ரீஸ் கோஸ் 46 ரன் எடுத்தார்.