மெரினா கடற்கரையில் விமான சாகச ஒத்திகை நிகழ்ச்சி - பொதுமக்கள் கண்டு ரசிப்பு

சென்னை: விமானப் படை தினத்தை முன்னிட்டு, சென்னை மெரினா கடற்கரையில் விமானங்களின் சாகச ஒத்திகை நிகழ்ச்சி நடைபெற்றது. இதை ஏராளமான பொதுமக்கள் கண்டு ரசித்தனர். மேலும், இந்த சாகச ஒத்திகை நிகழ்ச்சியை முன்னிட்டு, விமானங்களின் சேவை நேரம் மாற்றி அமைக்கப்பட்டுள்ளது.

விமானப் படை தினத்தை முன்னிட்டு, சென்னை மெரினா கடற்கரையில், வரும் 6-ம் தேதி பிரம்மாண்ட விமான சாகச நிகழ்ச்சி நடைபெறுகிறது. இதற்காக, இந்திய விமானப்படை விமானங்களின் ஒத்திகை நிகழ்ச்சி, சென்னை மெரினா கடற்கரையில் இன்று (அக்.1) நடைபெற்றது. மதியம் 1.10 மணி முதல் 1.45 மணி வரை இந்த ஒத்திகை நிகழ்ச்சி நடைபெற்றது.
இதில், விமானப் படை விமானங்கள் மற்றும் ஹெலிகாப்டர்கள் பங்கேற்று ஒத்திகையில் ஈடுபட்டன. இதை மெரினா கடற்கரையில் இருந்த பொதுமக்கள் கண்டு ரசித்தனர்.