மீனவ பட்டதாரி இளைஞர்கள் இந்திய குடிமை பணிகளில் சேருவதற்கான போட்டி தேர்வுக்கான பயிற்சி: கலெக்டர் அறிவுறுத்தல்

புதுக்கோட்டை, நவ.5: மீனவ பட்டதாரி இளைஞர்கள் இந்திய குடிமை பணிகளில் சேருவதற்கான போட்டி தேர்வுக்காக பயிற்சி முகாமிற்கு விண்ணப்பிக்கலாம் என்று கலெக்டர் அருணா தெரிவித்துள்ளார். தமிழக அமைச்சர் (மீன்வளம், நிதி, பணியாளர் மற்றும்நிருவாக சீர்திருத்தம்) 12.11.2017 அன்று சட்டபேரவையில் அறிவித்ததன்படி மீன்வளம் மற்றும் மீனவர்நலத்துறை மற்றும் சென்னை அகில இந்திய குடிமைப்பணிதேர்வு பயிற்சி மையம் இணைந்து ஆண்டுதோறும் 20 கடல்மற்றும் உள்நாட்டு மீனவ பட்டதாரி இளைஞர்களை தேர்ந்தெடுத்து அவர்களுக்கு குடிமைப்பணிகளுக்கானபோட்டித்தேர்வில் கலந்து கொள்ள ஏதுவாக பிரத்யேக பயிற்சிஅளித்திடும் திட்டத்தினை செயல்படுத்திட தமிழ்நாடு அரசால் ஆணை வழங்கப்பட்டது. கடல் மற்றும் உள்நாட்டு மீனவ கூட்டுறவு சங்கஉறுப்பினர்கள் மற்றும் மீனவர் நலவாரிய உறுப்பினர்களின் வாரிசு பட்டதாரி இளைஞர்கள் இப்பயிற்சி திட்டத்தில் சேர்ந்து பயன்பெறலாம்.

இத்திட்டத்தின்கீழ் பயிற்சி பெறவிரும்புவோர் விண்ணப்பபடிவம் (Application Form) மற்றும்அரசு வழிகாட்டு நெறிமுறைகளை (Guidelines) மீன்வளம் மற்றும் மீனவர் நலத்துறையின் www.fisheries.tn.gov.in என்ற இணையதளத்தில் கட்டணமின்றி பதிவிறக்கம் செய்துகொள்ளலாம் அல்லது விண்ணப்பபடிவங்களை திருச்சி (மண்டலம்) மீன்வளம் மற்றும் மீனவர் நலத்துறை துணை இயக்குநர் அலுவலகத்திலோ அல்லது புதுக்கோட்டை மாவட்டம் மீன்வளம் மற்றும் மீனவர் நலத்துறை உதவி இயக்குநர் அலுவலகத்திலோ அலுவலக வேலை நாட்களில் விலையின்றி பெற்று கொள்ளலாம்.

விண்ணப்பதாரர் மீன்வளம் மற்றும் மீனவர் நலத்துறையின் இணையதளத்தில் உள்ள அரசு வழிகாட்டு நெறிமுறைகளின்படி பூர்த்தி செய்து கீழ்க்கண்ட முகவரியில் உள்ள புதுக்கோட்டை மாவட்டம் மீன்வளம் மற்றும் மீனவர்நலத்துறை உதவி இயக்குநர் அலுவலகத்திற்கு பதிவு அஞ்சல்மூலமாகவோ அல்லது நேரடியாகவோ இன்று (5ம்தேதி) ண்ணப்பிக்க வேண்டும். மேலும் இத்திட்டம் குறித்த கூடுதல் விபரங்களுக்குதிருச்சி (மண்டலம்) மீன்வளம் மற்றும் மீனவர் நலத்துறைதுணை இயக்குநர் அலுவலகம் அல்லது உதவி இயக்குநர் அலுவலகம், மீன்வளம் மற்றும் மீனவர் நலத்துறை, பிளாட்எண்.1, டவுன் நகரளவு எண்:233/1, அன்னை நகர், நிஜாம்காலனி, விஸ்தரிப்பு, புதுக்கோட்டை – 622 001, தொலைபேசிஎண் 043-22266994 என்ற அலுவலகத்தை நேரில் தொடர்பு கொள்ளலாம். இந்த தகவலை கலெக்டர் அருணா தெரிவித்துள்ளார்.

The post மீனவ பட்டதாரி இளைஞர்கள் இந்திய குடிமை பணிகளில் சேருவதற்கான போட்டி தேர்வுக்கான பயிற்சி: கலெக்டர் அறிவுறுத்தல் appeared first on Dinakaran.