மசாஜ் சென்டரில் விபசாரம் நடத்திய தாய், மகன்

நல்லம்பள்ளி, ஏப்.4: அதியமான்கோட்டை அருகே, மசாஜ் சென்டர் என்ற பெயரில் பெண்களை விபசாரத்தில் ஈடுபடுத்திய தாய், மகன் உள்பட 4 பேர் மீது வழக்குபதிவு செய்த ேபாலீசார், 3 பெண்களை மீட்டு காப்பகத்தில் ஒப்படைத்தனர். தர்மபுரி மாவட்டம், அதியமான்கோட்டை அடுத்த ஒட்டப்பட்டியில், ஸ்பா என்ற பெயரில் மசாஜ் சென்டர் வைத்து, அதில் விபசாரம் நடத்துவதாக அதியமான்கோட்டை போலீசாருக்கு ரகசிய தகவல் கிடைத்தது.

இதையடுத்து, நேற்று காலை எஸ்ஐ விமல்குமார் மற்றும் பெண் போலீசார் ஒட்டப்பட்டிக்கு சென்று, ஸ்பா நடத்தும் இடத்தில் அதிரடியாக சோதனையிட்டனர். அப்போது, அங்கு தனி அறை ஒன்றில் இருந்த பெண்ணிடம் போலீசார் விசாரணை நடத்தினர். அதில், அவர் மகாராஷ்டிர மாநிலம் புனேவை சேர்ந்தவர் என்பதும், சென்னை திருவொற்றியூர் சண்முகபுரம் பகுதியை சேர்ந்த தீரஜ்(34), அவரது அவரது மனைவி தானியலட்சுமி(32) ஆகியோர் அவரை அழைத்து வந்து, மசாஜ் சென்டர் என்ற பெயரில் விபசாரத்தில் ஈடுபடுத்தியதும் தெரியவந்தது.

இதேபோல், சவுளுப்பட்டியில் ஸ்பா மசாஜ் என்ற பெயரில் விபசாரம் நடப்பதாக கிடைத்த தகவலின் பேரில், போலீசார் அதிரடி சோதனை நடத்தினர். அங்கு கடலூர் மலுமியார் பேட்டையை சேர்ந்த சசிகலா(56), அவரது மகன் பிலுமோன்(32) ஆகியோர், 3 பெண்களை வைத்து விபசாரத்தில் ஈடுபடுத்தியது தெரியவந்தது. இதையடுத்து மயிலாடுதுறையை சேர்ந்த 22 வயதான இரண்டு பெண்கள், சென்னையை சேர்ந்த 26 வயது இளம்பெண் என 3 பேரை போலீசார் மீட்டனர். தொடர்ந்து, ஒட்டப்பட்டி மற்றும் சவுளுபட்டியில் மீட்கப்பட்ட 4 பெண்களையும், போலீசார் தனியார் காப்பகத்தில் ஒப்படைத்தனர். மேலும், அவர்களை விபசாரத்தில் ஈடுபடுத்திய தீரஜ், தானியலட்சுமி, சசிகலா, பிலுமோன் ஆகிய 4 பேர் மீது வழக்கு பதிவு செய்து, விசாரணை மேற்கொண்டுள்ளனர்.

The post மசாஜ் சென்டரில் விபசாரம் நடத்திய தாய், மகன் appeared first on Dinakaran.