பைனாப்பிள் ரசம்

தேவையான பொருட்கள்:

பைனாப்பிள்-2 கப்
சீரகம்-1 தேக்கரண்டி
மல்லி-1 தேக்கரண்டி
வரமிளகாய்-2
துவரம் பருப்பு-1 தேக்கரண்டி
மிளகு-1 தேக்கரண்டி
மஞ்சள் தூள்-1/4 தேக்கரண்டி
தக்காளி-1
புளி-நெல்லிக்காய் அளவு
உப்பு-தேவையான அளவு
கொத்தமல்லி-சிறிதளவு

செய்முறை:

முதலில் பைனாப்பிளை சின்ன சின்ன துண்டுகளாக 2 கப் அளவிற்கு நறுக்கி வைத்துக்கொள்ளவும். இப்போது கடாயில் சீரகம் 1 தேக்கரண்டி, துவரம் பருப்பு 1 தேக்கரண்டி, மிளகு 1 தேக்கரண்டி, மல்லி 1 தேக்கரண்டி, வரமிளகாய் 2 சேர்த்து நன்றாக வறுத்து அரைத்து வைத்துக்கொள்ளவும்.இப்போது கடாயில் நெல்லிக்காய் அளவு கரைத்து வைத்த புளி தண்ணீரை சேர்த்துவிட்டு நறுக்கிய தக்காளி 1, மஞ்சள் தூள் ¼ தேக்கரண்டி, அரைத்து வைத்த பொடி ஆகியவற்றை சேர்த்துவிட்டு நன்றாக கலந்துவிட்டுக் கொள்ளவும். நறுக்கிய பைனாப்பிளை இத்துடன் சேர்த்துவிட்டு தேவையான அளவு உப்பு சேர்த்து 10 நிமிடம் கொதிக்கவிடவும். கடைசியாக, கொத்தமல்லி சிறிதளவு தூவி இறக்கவும். அவ்வளவு தான் சுவையான பைனாப்பிள் ரசம் தயார்.

The post பைனாப்பிள் ரசம் appeared first on Dinakaran.