புரோ கபடி லீக்; குஜராத்தை வீழ்த்திய உ.பி.யோத்தாஸ்

ஐதராபாத்,

11-வது புரோ கபடி லீக் போட்டி ஐதராபாத்தில் நடந்து வருகிறது. இதில் பங்கேற்றுள்ள 12 அணிகள் தங்களுக்குள் தலா 2 முறை மோத வேண்டும். லீக் சுற்று முடிவில் முதல் 6 இடங்களை பிடிக்கும் அணிகள் 'பிளே-ஆப்' சுற்றுக்கு தகுதி பெறும்.

இந்நிலையில், இந்த தொடரில் நேற்று இரவு 9 மணிக்கு நடைபெற்ற ஒரு லீக் ஆட்டத்தில் குஜராத் ஜெயண்ட்ஸ் - உ.பி.யோத்தாஸ் அணிகள் மோதின. பரபரப்பாக நடைபெற்ற இந்த ஆட்டத்தில் உ.பி.யோத்தாஸ் அணி 35-29 என்ற புள்ளிக்கணக்கில் குஜராத்தை வீழ்த்தி வெற்றி பெற்றது.

முன்னதாக நேற்று இரவு 8 மணிக்கு நடைபெற்ற லீக் ஆட்டத்தில் தமிழ் தலைவாஸ் - ஜெய்ப்பூர் பிங்க் பாந்தர்ஸ் அணிகள் மோதின. இந்த ஆட்டம் 30-30 என்ற புள்ளிக்கணக்கில் சமனில் முடிந்தது.