புரோ கபடி : பெங்கால் வாரியர்ஸ் அணியை வீழ்த்தி தெலுங்கு டைட்டன்ஸ் வெற்றி

நொய்டா,

11-வது புரோ கபடி லீக் தொடர் கடந்த அக்டோபர் 18-ம் தேதி ஐதராபாத்தில் தொடங்கியது. இந்த தொடரின் முதற்கட்ட லீக் ஆட்டங்கள் ஐதராபாத்தில் நடந்து முடிந்தன. இதையடுத்து தொடரின் 2-வது கட்ட லீக் ஆட்டங்கள் நொய்டாவில் நடைபெற்று வருகின்றன.

இன்று இரவு 8 மணிக்கு நடைபெற்ற ஆட்டத்தில் பெங்கால் வாரியர்ஸ் - தெலுங்கு டைட்டன்ஸ் அணிகள் மோதின .

பரபரப்பான இந்த ஆட்டத்தில் தெலுங்கு டைட்டன்ஸ் அணி தொடக்கம் முதல் ஆதிக்கம் செலுத்தி சிறப்பாக விளையாடியது. இதனால் 31-29 என்ற புள்ளிகள் கணக்கில் தெலுங்கு டைட்டன்ஸ் வெற்றி பெற்றது.