புதிய பாம்பன் ரயில் பாலத்தை முற்றுகையிட்டு போராட்டம்: மீனவர்கள் அறிவிப்பு

ராமேசுவரம்: தமிழக மீனவர்கள் இலங்கைக் கடற்படையால் கைது செய்யப்படுவதைக் கண்டித்து புதிய பாம்பன் ரயில் பாலத்தை முற்றுகையிட்டு போராட்டம் நடத்தப்படும். என தங்கச்சிமடத்தில் இன்று நடைபெற்ற உண்ணாவிரதப் போராட்டத்தில் மீனவர்கள் தீர்மானம் நிறைவேற்றி உள்ளனர்.

ராமேசுவரம் மீன்பிடித் துறைமுகத்திலிருந்து கடந்த செப்.20 அன்று கடலுக்குச் சென்ற செல்வம், உதிர்தராஜ் ஆகியோருக்குச் சொந்தமான இரண்டு விசைப் படகுகளை இலங்கை கடற்படையினர் கைப்பற்றினர். அதிலிருந்த 17 மீனவர்களையும் கைது செய்து வவுனியா சிறையில் அடைத்தனர். மீனவர்களை கைது செய்ததை கண்டித்து இன்று ராமேசுவரம் அருகே தங்கச்சிமடம் வலசை தெருவில் மீனவர்கள் உண்ணாவிரதப் போராட்டம் நடைபெற்றது.