‘‘பிரிட்டிஷ் ஆட்சிக் காலத்தைவிட நாட்டில் பொருளாதார ஏற்றத்தாழ்வுகள் அதிகரித்துவிட்டன’’ - தமிழக காங். விமர்சனம்

சென்னை: மோடி ஆட்சி அரசமைப்புச் சட்டத்தின் முகப்பில் கூறப்பட்டுள்ள நோக்கத்திற்கு எதிராக செயல்பட்டு வருகிறது என தமிழ்நாடு காங்கிரஸ் கமிட்டியின் மாநில தலைவர் செல்வப்பெருந்தகை விமர்சித்துள்ளார்.

இது குறித்து அவர் வெளியிட்டிருக்கும் அறிக்கையில், “இந்திய அரசமைப்புச் சட்டம், அரசியல் நிர்ணய சபையின் மூலம் சட்ட மேதை டாக்டர் பி.ஆர். அம்பேத்கர் வரைவுக் குழு தலைவராக இருந்து நாட்டுக்கு அர்ப்பணித்து 75 ஆண்டுகளை நிறைவு செய்திருக்கிறது. இந்த விழாவின் மூலம் டாக்டர் அம்பேத்கரின் பங்களிப்பை சொந்தம் கொண்டாட பிரதமர் மோடி உள்ளிட்ட பாஜகவினர் தீவிர முயற்சிகளை மேற்கொண்டனர்.