பிஎம்ஜெய் திட்டத்தின் கீழ் பயன்பெறும் மூத்த குடிமக்களின் வயதை 60 ஆகக் குறைக்க வேண்டும்: பிரதமருக்கு திருமாவளவன் கடிதம்

சென்னை: பிஎம்ஜெய் திட்டத்தின் கீழ் பயன்பெறும் மூத்த குடிமக்களின் வயதை 60 ஆகக் குறைக்க வேண்டும் என விசிக தலைவர் திருமாவளவன் வலியுறுத்தியுள்ளார்.

இது தொடர்பாக அவர் பிரதமருக்கு எழுதிய கடிதத்தில் கூறியிருப்பதாவது: 2011 மக்கள் தொகைக் கணக்கெடுப்பின்படி இந்தியாவில் 10.4 கோடி பேர் 60 வயதைக் கடந்தவர்கள் உள்ளனர் என்று தெரியவந்தது. கடந்த 13 ஆண்டுகளில் அந்த எண்ணிக்கை மேலும் அதிகரித்திருக்கும். இதற்கிடையே, 70 வயதுக்கு மேற்பட்ட மூத்த குடிமக்களுக்கு ரூ.5 லட்சம் வரை மருத்துவக் காப்பீடு அளிக்கும் திட்டம் தொடங்கப்பட்டுள்ளது.