பாடவாரியான க்யூஎஸ் தரவரிசை உலகின் 50 முன்னணி கல்வி நிறுவனத்தில் சென்னை ஐஐடி

புதுடெல்லி: க்யூஎஸ் நிறுவனத்தின் பாட வாரியான தரவரிசையில் சென்னை ஐஐடி உள்ளிட்ட 9 இந்திய பல்கலைக்கழகங்கள் மற்றும் கல்வி நிறுவனங்கள் உலகின் முதல் 50 இடங்களில் இடம் பிடித்துள்ளன. லண்டனை சேர்ந்த க்யூஎஸ் நிறுவனம் ஆண்டுதோறும் உலகின் சிறந்த கல்வி நிறுவனங்களின் தரவரிசைப் பட்டியலை வெளியிட்டு வருகிறது. அந்த வகையில் பாடவாரியான உலக பல்கலைக்கழகங்கள் தரவரிசைப் பட்டியல் தற்போது வெளியாகி உள்ளது.

இதில், தன்பாத்தில் உள்ள இந்திய சுரங்கவியல் பள்ளி (ஐஎஸ்எம்) பொறியியல் கனிமங்கள் மற்றும் சுரங்கங்கள் பாடப்பிரிவில் உலக அளவில் 20வது இடத்தை பிடித்துள்ளது. இது இந்திய கல்வி நிறுவனத்தின் இந்தாண்டு சிறந்த செயல்பாடு. சென்னை ஐஐடி பெட்ரோலிய பொறியியல் பாடப்பிரிவிலும், மேம்பாட்டு ஆய்வுகள் பாடத்தில் டெல்லி ஜேஎன்யு கல்லூரியும், பொறியியல் மற்றும் தொழில்நுட்ப பிரிவில் ஐஐடி டெல்லி மற்றும் ஐஐடி மும்பை ஆகிய கல்வி நிறுவனங்களும் இடம் பெற்றுள்ளன.

இந்த தரவரிசையில் பல்வேறு பிரிவுகளில் மொத்தம் 79 இந்திய பல்கலைக்கழகங்கள் 533 முறை இடம் பெற்றுள்ளன. முந்தைய ஆண்டை விட 10 பல்கலைக்கழகங்கள் அதிகரித்துள்ள நிலையில், அவைகளின் செயல்பாடும் மேம்பட்டிருப்பது குறிப்பிடத்தக்கது.

The post பாடவாரியான க்யூஎஸ் தரவரிசை உலகின் 50 முன்னணி கல்வி நிறுவனத்தில் சென்னை ஐஐடி appeared first on Dinakaran.