பள்ளிகளுக்கான இணைய சேவை கட்டண விவகாரம் - அண்ணாமலை கருத்துக்கு அமைச்சர் அன்பில் மகேஸ் மறுப்பு

சென்னை: பிஎஸ்என்எல் இணைய சேவைக்கு பள்ளிக்கல்வித் துறை ரூ.1.5 கோடி நிலுவை வைத்த விவகாரத்தில் அமைச்சர் அன்பில் மகேஸ் மற்றும் தமிழக பாஜக தலைவர் அண்ணாமலை இடையே ஏற்பட்டுள்ள மோதல் அரசியல் வட்டாரத்தில் சர்ச்சையாகியுள்ளது.

தமிழகம் முழுவதும் உள்ள 3,700 அரசு உயர்நிலை, மேல்நிலைப் பள்ளிகளில் அதிநவீன உயர் தொழில்நுட்ப ஆய்வகங்கள்(ஹைடெக் லேப்) அமைக்கப்பட்டுள்ளன. இவற்றில் பிஎஸ்என்எல் நிறுவனம் வாயிலாக பிராட்பேண்ட் இணையதள சேவை ஏற்படுத்தப்பட்டது. இதற்கிடையே பிஎஸ்என்எல் நிறுவனத்துக்கான பிராட்பேண்ட் சேவைக் கட்டணத்தில் ரூ.1.5 கோடி நிலுவை வைக்கப்பட்டுள்ளதாகவும், இந்த தொகையை பள்ளி தலைமையாசிரியர்கள் உடனடியாக செலுத்திட நடவடிக்கை எடுக்க வேண்டும் என்றும் பள்ளிக்கல்வித் துறை சார்பில் மாவட்ட முதன்மைக் கல்வி அதிகாரிகளுக்கு அறிவுறுத்தல்கள் வழங்கப்பட்டிருந்தன.