நெல்லையில் போலீஸ் கட்டுப்பாட்டுக்குள் நீதிமன்ற வளாகம்: அசம்பாவிதங்கள் நடந்தால் துப்பாக்கிச் சூடு நடத்த உத்தரவு

திருநெல்வேலி: திருநெல்வேலி மாவட்ட ஒருங்கிணைந்த நீதிமன்ற வளாகம் போலீஸாரின் முழுக் கட்டுப்பாட்டில் கொண்டுவரப்பட்டுள்ளது. இப்பகுதியில் அசம்பாவிதங்கள் நடைபெற்றால் துப்பாக்கிச் சூடு நடத்த போலீஸாருக்கு உத்தரவிடப்பட்டுள்ளது.

திருநெல்வேலி மாவட்ட ஒருங்கிணைந்த நீதிமன்றத்தின் முன்பு கடந்த சில நாட்களுக்கு முன்பு நடைபெற்ற கொலை சம்பவம் தமிழகம் முழுவதும் அதிர்ச்சியை ஏற்படுத்தியிருந்தது. இது தொடர்பாக தாமாக முன்வந்து விசாரணை மேற்கொண்டுள்ள மதுரை உயர் நீதிமன்ற கிளை, காவல் துறை மற்றும் தமிழக அரசுக்கு பல்வேறு கேள்விகளை எழுப்பி, பதில் அளிக்க உத்தரவிட்டுள்ளது. இதையடுத்து, தமிழகம் முழுவதும் உள்ள நீதிமன்றங்களில் துப்பாக்கி ஏந்திய போலீஸார் பாதுகாப்பு போடப்படும் என்று தமிழக காவல்துறை டிஜிபி அறிவித்தார்.