நெல்லை உள்ளிட்ட 4 மாவட்டங்களில் நாளை மிக கனமழை

திருநெல்வேலி உள்ளிட்ட 4 மாவட்டங்களில் நாளை (மார்ச் 11) மிக கனமழை பெய்ய வாய்ப்புள்ளது.

இது தொடர்பாக சென்னை வானிலை ஆய்வு மையம் வெளியிட்ட செய்திக்குறிப்பில் கூறியிருப்பதாவது: பூமத்திய ரேகையை ஒட்டிய வடகிழக்கு இந்தியப் பெருங்கடல் மற்றும் அதனை ஒட்டிய தென்கிழக்கு வங்கக்கடல் பகுதிகளின் மேல் ஒரு வளிமண்டல மேலடுக்கு சுழற்சி நிலவுகிறது. இதன் காரணமாக இன்று கடலோர மாவட்டங்களில் ஒருசில இடங்களிலும், உள் மாவட்டங்களில் ஓரிரு இடங்களிலும், 11-ம் தேதி தமிழகத்தில் பெரும்பாலான இடங்களிலும் 12, 13 தேதிகளில் ஓரிரு இடங்களிலும் இடி, மின்னலுடன் கூடிய லேசானது முதல் மிதமான மழை பெய்யக்கூடும். 14, 15 தேதிகளில் தமிழகத்தில் வறண்ட வானிலை நிலவக்கூடும்.