நவ்வலடியில் கிராம சபை கூட்டம்

திசையன்விளை,ஜன.30: நவ்வலடி ஊராட்சியில் குடியரசு தின விழா கொடியேற்றமும் தொடர்ந்து கிராம சபை கூட்டமும் நடந்தது. ஊராட்சி மன்ற தலைவர் ராதிகா சரவணகுமார் தலைமை வகித்தார். கூட்டத்தில் அடுத்த ஆண்டிற்கான கிராம வளர்ச்சி திட்டங்கள், கலைஞர் கனவு இல்லம் பயனாளிகள் தேர்வு செய்தல், வாக்காளர் உறுதிமொழி ஏற்பு, தொழுநோய் ஒழிப்பு உறுதிமொழி ஆகியவை பொதுமக்கள் முன்னிலையில் தீர்மானமாக நிறைவேற்றப்பட்டது. ஊராட்சியில் கல்வி, விளையாட்டு, சமூகசேவை ஆகியவற்றில் சிறந்து விளங்கும் மாற்றுத்திறனாளிகளை தேர்வு செய்து கவுரவிக்கப்பட்டனர். ஊராட்சி துணை தலைவர் தங்கம், உறுப்பினர்கள் ஜெயராஜ், பாலசரஸ்வதி, கிருஷ்ணவதி, ஆட்டோ சங்க தலைவர் ராமச்சந்திரன், ராஜ்குமார், வட்ட வழங்கல்துறை கிருஷ்ணமூர்த்தி, சுகாதாரத்துறை, வருவாய்துறை அலுவலர்கள் மற்றும் பொதுமக்கள் கலந்து கொண்டனர்.

The post நவ்வலடியில் கிராம சபை கூட்டம் appeared first on Dinakaran.